Hjóna- og paranámskeið Fyrsta skrefsins er áskorandi og innihaldsríkt námskeið sem byggir á þekktum fræðum og sannreyndum aðferðum í sambandsmálum ásamt því að miðla af reynslu óteljandi aðila sem hafa tekið skrefið og unnið markvisst í því að gera gott ennþá betra.

 

Hjónin Berglind Magnúsdóttir og Valdimar Þór Svavarsson kenna á námskeiðinu en bæði hafa þau um árabil sinnt ráðgjöf og meðferð fyrir einstaklinga og pör. Berglind starfar sem meðferðaraðili hjá Fyrsta skefinu og Valdimar starfar sem framkvæmdastjóri Samhjálpar. Námskeiðið byggir jafnt á umsjónaraðilum sem og innri vinnu og eigin framlagi þátttakenda.

 

Á námskeiðinu skyggnumst við bæði inn í lykilþætti góðra sambanda og samskipta auk þess að skoða algenga þætti sem geta staðið í vegi fyrir því að sambandið vaxi og dafni eins og best væri á kosið. Námskeiðið er helgarnámskeið, laugardag og sunnudag, og í framhaldi af námskeiðinu fylgja tveir tímar fyrir hvert par í paramarkþjálfun. Þetta námskeið lætur engan ósnortinn og færir þátttakendum raunveruleg verkfæri og reynslu sem nýtist til þess að eiga hamingjusamara líf til frambúðar.