Bóka viðtal hjá ráðgjafa
Berglind Magnúsdóttir - meðferðaraðili
Sími 783-6610
MA félagsráðgjöf - nám stendur yfir
BA félagsráðgjöf
Sérfræðingur í áfalla- og uppeldisfræði Piu Mellody
PIT therapisti
Berglind Magnúsdóttir er með BA gráðu frá Háskóla Íslands í félagsráðgjöf. Hún er sérfræðimenntuð í áfalla- og uppeldisfræðum Piu Mellody. Þau fræði fjalla um þróun varnarhátta sem afleiðingu af áföllum í uppvexti okkar og hvernig sú upplifun leiðir til áfallastreitu og meðvirkni á fullorðinsárum. Þá nýtir Berglind einnig SE (Somatic Experiencing), en sú aðferð upprætir áföll og áfallastreitu með tilfinningalegri úrvinnslu. Höfundur SE er sálfræðingurinn Peter Levine.
Berglind hefur yfir 20 ára reynslu af vinnu með fólki allt frá líkamlegri heilsu yfir í tilfinningalega úrvinnslu. Berglind hefur einstakt innsæi í vinnu sinni með fólki ásamt djúpri þekkingu á afleiðingum meðvirkni í lífum einstaklinga og birtingarmyndum hennar. Tilfinningaleg og lausnamiðuð nálgun er ein meðferðarnálgun sem Berglind beitir í þerapíu sinni ásamt núvitundar aðferðum (e. mindfulness).
Berglind býður upp á meðferð sem heitir PIT og er meðferðarnálgun sem er hönnuð til að meðhöndla áföll sem verða til í uppvexti og þeim áhrifum sem áföllin hafa á þroska einstaklinga á fullorðinsaldri, betur þekkt sem meðvirkni. Meðferðarnálgunin byggir á sálgreiningu (e. psychoanalytic therapies), gestalt þerapíu (e. gestalt), fjölskyldukerfisfræði (e. family systems theory), tilfærsla í aldurgreiningu sjálfsins (e. transactional analysis), tilfinningalegri meðferðarnálgun (e. rational emotive therapy) ásamt því að styðjast við siðferðisþroskakenningu Erik Erikson og mannúðarkenningu Carl Rogers. Meðferðin snýr að því að beita einstaklings og hópmeðferðarnálgun þar sem skjólstæðingurinn lærir að takast á við áföllin í uppvexti sínum og síðari birtingarmyndum í daglegu lífi.
Áherslur
-
Áföll og tilfinningaleg úrvinnsla
-
Meðvirkni
-
Útbrennsla (kulnun)
-
Kvíði og áhyggjur
-
Erfið samskipti
-
Mörk og markaleysi
-
Vandamál tengt mataræði
-
Markmiðasetning og mál tengd heilsu og líkamsrækt
Viðtalsbókanir
Sími 861 -7201
Áherslur
Anna Sigríður Pálsdóttir - ráðgjafi
Guðfræðingur Cand. Theol
Handleiðslufræðingur
Sérfræðingur í áfalla- og uppeldisfræði Piu Mellody
Anna Sigríður starfar sem klínískur Þerapisti einstaklinga og handleiðari fagaðila. Anna Sigríður starfaði sem prestur hjá Þjóðkirkjunni á árunum 1997-2014 og sérhæfði sig í ráðgjöf til aðstandenda áfengis- og fíkniefnaneytenda og sálgæslu vegna ástvinamissis og skilnaða. Hún er sérfræðimenntuð í áfalla- og uppeldisfræðum Piu Mellody. Þau fræði fjalla um þróun varnarhátta sem afleiðingu af áföllum í uppvexti okkar og hvernig sú upplifun leiðir til áfallastreitu og meðvirkni á fullorðinsárum. Einnig hefur Anna Sigríður sinnt handleiðslu til fagaðila frá árinu 2000 bæði á Íslandi og í Svíþjóð.
Anna Sigríður er vígður prestur og lauk embættisprófi í guðfræði frá Háskóla Íslands 1996 og námi í Handleiðslu og handleiðslutækni frá Endurmenntun Háskóla Íslands árið 2000. Hún lauk kennaranámi frá Myndlista- og handíðaskólanum 1968.
Anna Sigríður starfaði árunum 1985 til 1991 hjá fjölskyldudeild SÁÁ og Fitjum, Kjalarnesi við ráðgjöf til bæði áfengis- og fíkniefnaneytenda og fjölskyldur þeirra. Árið 1997 vígðist hún til prests og hóf störf hjá Grafarvogskirkju. Anna Sigríður starfaði einnig við preststörf á Stokkseyri og Eyrarbakka og síðast í Dómkirkju Íslands þar sem hún lauk starfsferlinum hjá kirkjunni 2014. Frá 1997 hefur hún tvisvar á ári, vor og haust, farið til Linköping í Svíþjóð þar sem hún sér um námskeið fyrir aðstandendur áfengis-og vímuefnaneytenda fyrir ráðgjafafyrirtæki sem heitir Eleonoragruppen og jafnframt sinnt handleiðslu fyrir starfsfólk þar.
Viðtalsbókanir hjá Önnu Sigríði fara fram á
-
Einstaklings- og hópahandleiðsla til fagaðila
-
Ráðgjöf til aðstandendur áfengis- og fíkniefnaneytenda
-
Ráðgjöf í meðvirkni
-
Hjóna- og paraviðtöl
-
Sálgæsla vegna ástvinamissis og skilnaða
Alda Áskelsdóttir - ráðgjafi
.jpeg)
Alda Áskelsdóttir er með BA gráðu í sálfræði og að ljúka MA diplómu í jákvæðri sálfræði.
Jákvæð sálfræði er styrkleikamiðuð nálgun sem leitst við að auka hamingju og vellíðan einstaklingsins, með innihaldsríkt líf að markmiði. Unnið er út frá persónulegum gildum einstaklingsins og hans markmiðum.
Alda nýtir gott innsæi í vinnu sinni og nálgast viðfangsefnin af yfirvegun og samkennd.
alda@fyrstaskrefid.is
Sími 823-0002
Áherslur
-
Einstaklingar
-
Vellíðan
-
Styrkleikar
-
Gildi
-
Núvitund
-
Sjálfsumhyggja/ sjálfsrækt
-
Markmiðasetning
Valdimar Þór Svavarsson - fyrirlesari og teymisþjálfi
Sími 821-0808
MS Stjórnun og stefnumótun
BA félagsráðgjöf
ACC markþjálfi
Vottaður NBI þjálfi
Sérfræðingur í áfalla- og uppeldisfræðum Piu Mellody
Valdimar hefur um langt skeið starfað við ráðgjöf og kennslu á félagslega sviðinu. Valdimar vann í nokkur ár við einstakling- og pararáðgjöf auk þess að svara spurningum fólks um samskipti og sambönd á Mbl.is. Á síðustu árum hefur hann haldið námskeið, fyrirlestra og sinnt teymisþjálfun innan fjölmargra fyrirtækja og stofnanna. Meðal þeirra sem hafa nýtt sér þjónustuna eru félagsþjónustur, skólar, sveitafélög, starfsendurhæfingar og fjölmörg fyrirtæki. Helstu námskeið og þjónustuleiðir eru:
-
Meðvirkni og áföll í uppvextinum - námskeið
-
Virðing á vinnustað - námskeið
-
Brenna út eða blómstra - námskeið
-
Sjálfsmynd og ábyrgð starfsfólks - námskeið
-
Meðvirkni á vinnustað - námskeið
-
Teymisþjálfun / breytingastjórnun
-
Stjórnendaþjálfun
Hægt er að bóka þjónustu og skoða þjónustuleiðir fyrir stofnanir og fyrirtæki með því að smella á hnappinn hér að neðan (Valdimar býður ekki upp á viðtalstíma)