Góð samskipti og ánægjulegur starfsandi eru í senn mikilvæg og verðug viðfangsefni í öllum fyrirtækjum og stofnunum. Eigendur og stjórnendur fyrirtækja finna vel fyrir því þegar þessir þættir eru ekki í lagi, hvort sem það á við vinnustaðinn í heild eða einstaka deildir. Í mörgum tilvikum er erfitt að átta sig á hvað raunverulega er að þegar illa gengur að róa í sömu átt og ná þeim árangri sem stefnt er að. Hvort sem það eru breytingar, stefnumótunarvinna eða nauðsynleg inngrip sem þarf að sinna þá finna allir fyrir því ef samskiptum, virðingu og heiðarleika er ábótavant innan vinnustaða. Í versta falli veldur það verulegum skaða á starfsemi fyrirtækja og stofnanna þegar samskiptavandi er látinn óáreittur og útkoman getur augljóslega leitt til verri afkasta, meiri kostnaðar, lægri tekna og talsverðri aukningu á fjarvistum, starfsmannaveltu og útbrennslu starfsfólks. 

Fyrsta skrefið býður upp samstarf með fyrirtækjum sem vilja auka gæði vinnustaðarins, efla og hvetja starfsfólk ásamt því að auka starfsánægju. Valdimar Þór Svavarsson sinnir ráðgjöf fyrir fyrirtæki og stofnanir og hefur um árabil sinnt fjölbreyttum verkefnum innan fjölda skipulagsheilda. Hann er með MS gráðu í stjórnuna og stefnumótun og BA gráðu í félagsráðgjöf frá Háskóla Íslands, sveinspróf í rafvirkjun, ACC vottaður markþjálfi og sérmenntaður í meðvirknifræðum Piu Mellody. Fjölbreytt menntun og reynsla hefur sannað gildi sitt þegar kemur að skilningi á þörfum stjórnenda og annarra starfsmanna mismunandi vinnustaða.